Eurasian Book Fair – 2019

Қымбатты достар!

Жыл бойы күткен кітап көрме-жәрмеңкеміз де бір демде өте шықты!

«Eurasian Book Fair» көрмесіне биыл елімізден, Ресейден және алыс-жақын шетелдерден жүздеген қатысушы келді. Көрмедегі ересектер мен балаларға арналған кітаптар түрлі жанрда және түрлі тілде болды.

Биылғы жылы көрменің бағдарламасы өте кең ауқымда өтті. Төрт күн қатарынан үш алаңда авторлармен, баспа өкілдерімен, сондай-ақ кітап презентациялары болды. Бұл аз десеңіз, ән де айтылып, күй де тартылды, бишілер де бұл шарадан қалысм қалған жоқ. Сонымен қатар Book Talks – кітап және кітапқа қатысы бар тақырыптарды қозғаған спикерлер оқырмандарымен ой бөлісті. Олардың қатарында Юрий Нечипоренко, Мақпал Қаратай, Ринат Зайытов, Жандарбек Мәлібеков, Меруерт Алонсо, Айгүл Иманбаева, Асылзат Мүлкібаева, Зәуре Төреханова, Абай Тыныбеков және басқалары болды.

Бұдан бөлек, балаларға арналған алаң бір босамады – арнайы шеберлік сыныптары өтті, аниматорлар ойын-сауық бағдарламасын жүргізді. Тіпті балаларға арналған квест және театрландырылған қойылым да болды. Бір сөзбен айтқанда, ата-ананың да, баланың да көңілінен шықты.

Барлық қатысушыларға және көрме қонақтарына алғысымызды білдіреміз! Биыл әлеуметтік желіде көптеген жақсы пікір алдық. Егер сізде көрмеден сурет немесе видео болса, бізді, яғни @eurasbook парақшасын белгілеуді ұмытпаңыз. Сондай-ақ #eurasianbookfair2019 #eurasbook #өзкітабыңдытап хештегтерін жазуды да естен шығармаңыз.

Жуық арада кәсіби маман түсірген суреттер мен бейнежазбаларды аламыз. Сіздермен міндетті түрде бөлісеміз. Жаңалықтарымызды жіберіп алмаңыздар!

Қатысқандарыңыз үшін барлығыңызға көп рахмет!
Келесі жылы кездескенше!

Ең ізгі тілектермен,
Eurasian Book Fair атқарушы дирекциясы

photo5348374318620453590

Read more

«Eurasian Book Fair» – үлкен интеллектуалдық алаң

Еліміз Тәуелсіздік алған жылдары жұмысын бастаған «Фолиант» баспасының бүгінгі таңдағы қызметі, даму перспективасы елімізге ғана емес, алыс-жақын шет елдің азаматтарына да танымал. Қазақ еліндегі кітап нарығын әлемдік деңгейге шығарды. Баспа жыл сайын Астана қаласында халықаралық кітап көрмесін ұйымдастырып отырады. Кітап шығару ісінде трендтік жаңалықтарымен көпті қуантып, көпті сүйсінтіп жүрген баспаның жұмыс барысымен танысып,  «Көркем және балалар әдебиеті» бөлімінің басшысы, белгілі суретші, иллюстратор Жеңіс Қазанқаповпен әңгімелескен едік. Оқи отырыңыз, мархабат!

ryh

Read more

Жаңа жылда — жаңа инстаграм-парақша!

Өздеріңіз білетіндей, біз @foliant.books инстаграм-парақшамызда жаңа кітаптар жайлы жазамыз, пікір айтқандарға репост жасаймыз және балалар кітаптарына ұтыс ойнатамыз. Біз балаларға арналған қызықты кітап шығару мақсатында авторлар мен иллюстраторлар іздейміз. Соңғы үш жылда 150-ден астам балалар кітабын шығарыппыз. Енді ересек оқырмандарымызға да арналған кітаптар жалғасын таппақ.

Біз ұзақ дайындықтың нәтижесінде өз оқырманымызға жаңа бағыт ұсынбақшымыз. Тіпті шатасып кетпеу үшін @foliant.adult жаңа инстаграм-парақшасын аштық. Ол жақта жаңа кітабымыз жайлы жан-жақты мәлімет беріліп жатыр. Қызықсаңыз, жаңа парақшамызға кіріп көріңіз!

https://www.instagram.com/foliant.adult/

4300cbc1-6410-4565-94b4-1055a62ecc8d