КИЕЛІ АТЫРАП

21 Мамыр 2010
Бүгін Астанадағы Ұлттық кітапханада “Отырар” кітабының тұсаукесер рәсімі өтеді.

Кешегі кеңестік империялық идеологияның қасаң қағидатына сүйенсек, “жаратылғалы аттың жалы, түйенің қомында жүріп, екі-ақ пайызы сауатты болған бұратана” халықтың арасынан әлемді мойындатқан ұлы ойшылдар шығуы, орта ғасырда-ақ өркениет ордасына айналған көрікті қалалар салуы мүмкін емес еді. Қызыл идеологтар мұндай дүмбілез жорамалды патша заманынан мұраға алғандай. Ресей аста­насында басылған “Живописная Россия” көптомдығының 1885 жылы жарық көрген Орыс Орталық Азиясының Каспий маңы, Түркістан және Қырғыз даласына арналған 10-томының 138-бетінде “Мұнда бір кездері өз кезеңі үшін үлкен, гүлденген қалалар болған – олардың құландылары сол дәуірдің куәсі. Бұл ғимараттарды қандай халық тұрғызғанын анықтау қиын, дегенмен, бұл осында өткен ғасырда өмір сүрген қарақалпақтардың ісі емес екені белгілі. Осындай құланды-қалдықтарға Арыс өзенінің құйылысындағы Отырар қаласын (Темір осында қайтыс болған) жатқызуға болады”.

Read more

«Отырар» кітабының тұсаукесері

Көрнекті ақын-жазушылар, мәдениет және өнер қайраткерлері, тарихшылар, Парламент депутаттары, көптеген зиялы қауым өкілдері қатысқан «Фолиант» баспасының «Менің Отаным — Қазақстан» сериясымен жарық көрген «Отырар» кітабының тұсаукесер рәсімі Астана қаласындағы ҚР Ұлттық академиялық кітапханасында 2010 жылғы 21 мамыр күні өткізілді.

Read more